کدخبر : 59920
یکشنبه 11 تیر 1396 - 13:04
74 بازدید
فاقددیدگاه
شعری تقدیم به شهدای گمنام

آدی گیزلین شهیدلر

استاد فصیحی شعری را تقدیم محضر شهدای گمنام کرد.

پایگاه خبری توفارقانآذرشهر , گوگان , ممقان: 

ای آدی ! ایتمیش شهیدلر،آدلاریز پنهان قالیب
قلب میزده یادلاریز هر لحضه و هرآن قالیب
آللّها سیز لر قوناق سیز، جنّت ِ فردوس ده
لب لریز باغ جناندا ، هر زمان خندان قالیب
ای آدی گیزلین شهیدلر، خوش سیزسن احوالیزه
جنّت ایچره روحِ پاکیز، خالقه مهمان قالیب۱
امّت اسلام و قرآ ن ، زائریزدور هرزمان
گرچه ظاهرده مبارک آدلاریز پنهان قالیب
جنگیده اعلان ائدیب سیز، عالمه ایثاریزی
عالم اهل نیّت و اخلاصیزه حیران قالیب
قبر پاکیز ایرانین ، هر نقطه سینده بی گمان
پارلایان اولدوز کیمی ، رخشنده و تابان قالیب
امّت قرآن سیزی هر گز فراموش اِئیله مز
قلب میز ده سیزدن اُوتری ، غُصّه و احزان قالیب
سکگیز اِئیلیک بیر دفاعدن یادگاردور تُربت یز
مرقدیز بیر نابرابر، جنگیدن برهان قالیب
سیز بویاندیز قانه سنگرده ، علی اکبرکیمی (ع)
خشک اولان نی لرکیمی یولداشلاریز نالان قالیب
باش وجان وِئردیز ولی ، ظُلاّمه ایران وِرئمه دیز
بوجهت دن سر فراز، بوملت ایران قالیب
ملت ایران اولوب دیر ، سر بلند و مقتدر
پیس گونه اما جهاندا ، ظالم و عدوان قالیب
آه مظلوم یاندیریبدر ظالمین کاخ لارینی
بی خرد صدام اِئوی ، بغدادیده ویران قالیب
غالب اولدی لشگر اسلام و قرآن ظالمه
آتش آلتی ندا اگرچه ، روز وشب خوبان قالیب
آلمیشیق آل علی (ع) دن ، استقامت درسینی
بو ایشه مبهوت و حیران ، دشمنِ نادان قالیب
حضرت پیغمبر(ص) اسلامی دن بو دونیادا
یادگار مؤمن لره ، بو عترت و قرآن قالیب
مهدی زهرا یولونوگوزلویور، ایران لی لار
منتظر بو اُئلکه ده ، صاحب ایمان قالیب
ای« فصیحی» انتظار چک حضرت یعقوب کیمی
عالم غیبت ده چونکی یوسف کنعان قالیب
۲۱/۱۰/۱۳۹۵

پسندیدنآدی گیزلین شهیدلر(0)نپسندیدنآدی گیزلین شهیدلر(0)
امتیاز:
(0) (0)
اشتراک گذاری:
برچسب ها :
مطالب مرتبط
دیدگاه شما